Curriculumari bururzko galderak

1.- Zein da Haur Hezkuntzako Curriculumaren aplikazio eremua?

Dekretu honek Euskal Autonomi Erkidegoko haur hezkuntzako curriculumari eragiten dio; bai lehenengo zikloan, baita bigarrengoan ere.

2.- Zeintzuk dira Oinarrizko Hezkuntza osatzen dituzten ETAPAK?

Bi etapek osatzen dute haur hezkuntza: lehenengoa 0 urtetik 3 urtera arte; eta bigarrena 3 urtetik 6 urtera arte.

3.- Nolakoa da Haur Hezkuntzaren izaera? Hautazkoa al da?

Haur hezkuntza borondatezkoa da; ez dago beharrezkoa. 6 urte irauten ditu.

4.- HH etapak zenbat urte hartzen ditu? Nola banatzen dira?

Lehen esan bezala 6 urte hartzen ditu; lehenengo etapa 0 urtetatik 3 urtera arte irauten du; eta bigarrenak 3 urtetatik 6 urtera.

5.- Zeintzuk dira Haur Hezkuntza etaparen bereizgarriak?

Bereizgarriak zein diren jakiteko, 4 artikuluari begiratu behar diogu; eta honek hau dio:

1.- Haur Hezkuntzaren helburua haurren garapen fisiko, intelektual, afektibo eta sozial osoa eta orekatua lortzea da.

2.- Bi zikloetan honako hauek landuko dira arian-arian: garapen afektiboa, mugimendua eta gorputzaren kontrol-ohiturak, komunikazioaren eta hizkuntzaren adierazpenak, bizikidetzarako eta gizarte-harremanetarako funtsezko jarraibideak, eta ikasleen ingurunearen ezaugarri fisikoen eta sozialen aurkikuntza. Horretarako, zentzumen-hezkuntzari emango zaio lehentasunezko arreta. Gainera, haurrak bere buruaren irudi positiboa Dekretuaren atalaketa orekatua eraiki dezan eta gero eta autonomia pertsonal handiagoa izan dezan bideratuko da.

3.- Horrez gain, Haur Hezkuntzak beste hauek ere egin behar ditu:

a) Familiekin lankidetzan, haurren garapen osoa sustatu. Horretarako, haurra osoki prestatu eta gizarteratuko da, kontuan hartuta haurraren eskubideak, haren ongizate psikofisikoa eta haren gaitasun potentzial guztiak: afektiboak, zentzu-mugimenezkoak, kognitiboak, harremanetarakoak eta sozialak.

b) Desberdintasunak prebenitzeko eta orekatzeko hezkuntza sustatu, bereziki gizartean edo pertsonalki egoerarik ahulenean daudenei arreta emanez eta ekitatea bilatzen saiatuz.

c) Hezkuntza-jardueraren hasieratik, Euskal Autonomia Erkidegoko bi hizkuntza ofizialetako elebitasuna bermatzeko baldintza egokiak sustatu eta bultzatu.

d) Familiei zerbitzua eman hiru urtetik beherako haurrak zainduz eta haiei arreta emanez, gurasoei familia- eta lan-bizitza bateratzeko aukera errazteko.

e) Bi mila biztanle baino gutxiagoko landa-eremuetako biztanleei kalitatezko hezkuntza-zerbitzua eskuratzeko aukera eman.

6.- Nola ulertzen du Haur Hezkuntzako Oinarrizko Curriculumak GAITASUN hitza?

Dekretuaren arabera, gaitasuna honela ulertzen da: Haur Hezkuntzan ikasleak testuingurura

egokituta bereganatzen duen jakintzen, trebetasunen, jarreren

eta balioen konbinazio integratua.

7.- Hezkuntzako gaitasun orokorrak berberak al dira hezkuntza-etapa guztietan? Zeintzuk dira?

Dekretuak gaitasun orokorrak berberak izan behar direla ezartzen du bi etapentzat. Honako hauek dira:          1.- Arduraz bizitzen ikastea.

2.- Ikasten eta pentsatzen ikastea.

3.- Komunikatzen ikastea.

4.- Elkarrekin bizitzen ikastea.

5.- Pertsona gisa garatzen ikastea.

6.- Egiten eta ekiten ikastea.

8.- Zein proiektutan eman zen Gaitasunen definizioa eta hautaketa?

Ulertu daitekeenaren arabera, Gaitasunen definizio eta hautaketa  Ikastetxearen Hezkuntza Proiektuan finkatzen dira.

9.-Zeintzuk dira EAEren OINARRIZKO GAITASUNAK?

Dekretuan, 5 artikuluaren arabera, Oinarrizko gaitasunak hauek dira:

1.- Arduraz bizitzen ikastea.

2.- Ikasten eta pentsatzen ikastea.

3.- Komunikatzen ikastea.

4.- Elkarrekin bizitzen ikastea.

5.- Pertsona gisa garatzen ikastea.

6.- Egiten eta ekiten ikastea.

Oinarrizko Hezkuntzarako ezarritako oinarrizko gaitasunak kontuan izango dira Haur Hezkuntzako ikasleek zer gaitasun eskuratu behar dituzten zehazteko, ikuspegi integratzailea eta praktikoa aintzat hartuta.

10.- Zeintzuk dira Haur Hezkuntza Etapako Helburu Orokorrak EAEn?

Dekretuak dioenez helburu anitz daude haur hezkuntzan; hala ere, berak 8 nabarmentzen ditu:

a) Bere gorputza ezagutzeko, gorputzak ematen dituen aukerak zein diren eta desberdintasunak errespetatzen ikas dezan.

b) Familia-, natura- eta gizarte-inguruneari behatzeko eta horiek aztertzeko, eta baita horiek ezagutzeko interesa izateko ere, inguruko gizarte- eta kultura-jardueretan modu aktiboan eta apurka-apurka parte har dezan.

c) Ohiko jardueretan, pixkanaka, autonomia handiagoa hartzeko, bere buruarekiko konfiantza eta ekimena gara ditzan.

d) Bere gaitasun emozionalak eta afektiboak garatzeko, bere buruaren irudi positiboa eta benetakoa eratzeko.

e) Ingurukoekin harremana izateko eta bizikidetzarako eta gizarte-harremanetarako oinarrizko arauak barneratzeko, gatazkak modu baketsuan ebazten treba dadin.

f) Zenbait hizkuntzatan eta adierazpidetan komunikatzeko gaitasunak garatzeko.

g) Trebetasun logiko-matematikoak eta irakurketa-idazketa ikasten hasteko, eta mugimendua, keinuak eta erritmoa lantzen hasteko, inguruan duen mundua uler eta interpreta dezan.

11.- Nola ulertzen du EAEko Curriculum dekretuak CURRICULUM terminoa?

Euskal Autonomi Erkidegoko dekretuaren arabera honako hau da curriculuma: etapa horretarako ezarritako helburuen, gaitasunen, edukien, ebaluazio-irizpideen eta orientabide metodologikoen multzoa.

12.- Zeintzuk dira Ikastetxe bakoitzak kontutan izan beharreko pedagogia printzipioak?

Oso argi ez izan arren, dekretuan 9 artikuluan arabera, ikastetxeek familiekiko, profesionalekiko eta ikasleekiko konpromisoak sustatuko dituzte, batzuek zein besteek zer eginkizun eta jarduera egiteko konpromisoa hartuko duten zehazteko eta hezkuntza prozesua errazteko.

13.- Zeintzuk dira HHko jakintza arloak?

Honako hauek dira HHko ikasleek jaso behar dituzten jakintzak edo edukiak 15 artikuluaren arabera:  a) Norberaren ezagutza eta autonomia pertsonala.

b) Ingurunearen ezagutza.

c) Hizkuntzak: komunikazioa eta adierazpena.

14.- Zein Hizkuntza eredua bilatzen da Haur eta Oinarrizko Hezkuntzarako?

Sistema elebiduna sendotu nahi da.  Horretarako, ikastetxeek euskara eta gaztelania sartuko dituzte Haur Hezkuntzan, ikasleek benetan eskura dezaten bi hizkuntzetan ahoz eta idatziz ulertzeko eta adierazteko gaitasuna. Helburua da bi hizkuntzak harreman- eta erabilera-hizkuntza izatea eremu guztietan, direla pertsonalak, sozialak edo akademikoak

15.- Zein da EAEn sustatzen den Hizkuntza modeloa?

Elebitasuna oinarri hartuta, ikasle eleanitzak sortu ahal izateko, ikastetxeek atzerriko hizkuntzak ikasi eta erabiltzeko indartze-neurriak ezarriko dituzte Haur Hezkuntzako bigarren ziklotik aurrera, eta bermatu egingo dute bete egiten direla bi hizkuntza ofizialetarako xedatutako gaitasun-mailak.

16.- Zein proiektutan islatuko da Ikastetxeak jarraituko dituen irizpideak hizkuntzari dagokionez?

Dekretuan agertzen den bezala (10 artikuluan); Ikastetxearen Hizkuntza Proiektuari jarraituko dio.

17.- Zeintzuk dira Haur Hezkuntzako hezkuntza-esparruak?

Horrela dio 15 artikuluak: Haur Hezkuntzako hezkuntza-edukiak honako esperientzia-eremu hauen arabera antolatuko dira:

a) Norberaren ezagutza eta autonomia pertsonala.

b) Ingurunearen ezagutza.

c) Hizkuntzak: komunikazioa eta adierazpena.

Gainera; eremu bakoitzean proposatzen diren edukiak haurrentzat interesa eta

esanahia duten jarduera globalizatuen bidez landuko direla ere esaten du.

18.- Nola ulertzen da esperientzia eremu bat? 

Haurraren hezkuntzako parteartzaidetza bidez eta bere buruari buruz ideiak barneratzeko balio duen ezagutza guztiei deritze esperientzia-eremua.

19.- Zeintzuk dira Esperientzia Eremu bakoitzaren atalak? Nola daude antolatuta?

Esperientzia eremuak bi zikloen arabera banaturik daude eta huaetan bloke desberdinak aurkitzen dira: lehennego zikloan; 1. Blokea nortasun pertsonala sortzea eta 2. Blokea ongizate pertsonala eta egunerokotasuna. Bigarren zikloan; 1. Blokea gorputza eta norberaren irudia, 2. Blokea jolasa eta mugimendua, 3. Blokea jarduera eta egunerokotasuna eta 4. Blokea norberaren zaintza eta osasuna.

20.- Zein dokumentuaren arabera moldatuko da Ikastetxeko Curriculum Proiektua? Eta zeintzuk izango dira ICPren atalak?

Dekretu curriculumeko  I. eranskinean bildutako curriculuma, eta Ikastetxearen Hezkuntza Proiektuetara moldatu behar da ikastetxeko curriculum proiektua.

Ikastetxeko Curriculum proiektuak honako atal hauetaz osaturik egon behar da:

Hezkuntza-jarduerari lotutako gaitasunak, helburuak eta edukiak, ikasleen beharrei egokitutakoak, irakaskuntza-alderdi guztietan.

Ebaluazio-irizpideak, eta gaitasunen gutxieneko garapen-maila, Haur Hezkuntza bukatzean.

Ikastetxearen Hizkuntza Proiektuko curriculum-alderdiak.

Pedagogia-irizpideak eta irizpide didaktikoak, bai eta metodologiaaukerak eta curriculum materialei buruzkoak ere, betiere, ikastetxeko irakasleen lanaren jarraikortasuna eta koherentzia bermatuta izanda.

Hezkuntza-laguntzaren premia berariazkoa duten ikasleen egoera osotasunean tratatzeko irizpideak, bai hezkuntza-premia bereziak dituzten ikasleena, bai gaitasun indibidual handiak dituztenena, bai hezkuntza-sistemara berandu sartu direnena.

Tutoretza-ekintzarako eta hezkuntza-orientazioa garatzeko irizpideak.

21.- Zein da HHn ikasleen ratioa?

Hezkuntza jarduerari lotutako gaitasunak, helburuak eta edukiak; ebaluazio irizpideak; ikastetxearen Hizkuntza Proiektuko curriculum alderdiak; pedagogia irizpideak eta irizpide didaktikoak; hezkuntza laguntza, hau da, premia bereziak dituzten ikasleen egoeretara moldatzeko; Tutoretza ekintza eta hezkuntza orientazioa garatzeko irizpidea

22.- Zeintzuk dira Haur Hezkuntza Etapako ordutegiaren berezitasunak?

Hamaseigarren artikuluan jasotzen den bezela, hau hezkuntzako etapan, egokitze-aldia dago. Honen ondorioz haurrak pixkanak barneratzen joango dira eskolan; honela eskolaren antolamendu eta ordutegietara moldapen egoki bat izan dezaten.

23.- Zein da aniztasunaren trataerako planteamendua?

Hezkuntza pertsonalizatu baten bidez, haurraren interesen, erritmoaren eta ikasteko estiloa kontuan hartuta, helburu orokorrak betetzea.

24.- Zein printzipiotan oinarritzen da hezkuntza-premia bereziak azaltzen dituzten ikasleen trataera?

Hezkuntza-premia bereziak dituzten ikasleen trataera honako bi printzipio hauetan oinarritzen da; hezkuntzako inklusioa eta indibidualizazioa.

25.- Nola ulertzen da TUTORETZA Haur Hezkuntzan?

Tutoretza da ikasle talde jakin bateko hezkuntza-ekintza oro dinamizatzeko, osatzeko eta koordinatzeko elementua.

Tutoretza-ekintza ezin bestekoa da haurrek beren hezkuntza-prozesua modu pertsonalizatuan eta banakako gaitasunen arabera, garapen egokia lortzeko.

26.- Nolako ezaugarriak ditu Haur Hezkuntza etapan ebaluazioa?

Haur hezkuntzako etapan haurraren  ebaluazioa aurrera eramateko kontuan hartu beharreko ezaugarriak honako hauek dira:

Norberaren gorputz-eskemaren gero eta ezagutza doituagoa erakustea, eta norberaren sentsazioez eta pertzepzioez jabetzea.

Mugimen- eta manipulazio-trebetasunak hobetu dituela erakustea, bere gaitasunetan konfiantza izanda.

Jolasetan parte hartzea, sentimenduak eta emozioak gero eta hobeto erregulatuz.

Gero eta autonomia handiagoz, egunerokotasunari loturiko arazo errazak ebaztea.

27.-Hartu ebaluazio irizpide bat eta lotu dagokion helburuarekin

Aurrera egitea oinarrizko beharrak modu autonomoan betetzen, eta norberaren buruaren ongizatearekiko eta zaintzarekiko interesa eta ekimena erakustea.

Honen kontrolaren arabera haurraren autonomitatea landuko da bai eskolako arloarekin loturik dagoena, zein bizitzan zehar beharrezkoa izango duena.

ORIENTABIDE METODOLOGIKOAK HAUR HEZKUNTZAN

1.- Nola ulertzen da aniztasunari emandako trataera? Zer esan nahi du ikusmolde GLOBALA izatea?

Anizatsunaren trataerak bermatzen du ikasle baokitzak hazkuntza pertsonalizatua baten bidez, garapen orokor bat eskuratzea.

Ikusmolde globalak ikaskuntza hainbat loturaren emaitza dela esan nahi du. Honela, haurraren osotasunean oinarrituz, ikasitakoaren jarraipena izaten da. Ikusmolde globalak ikaskuntza esanguratsuarekin lotura zuzena du.

2.- Nola ulertzen da ikaskuntza esanguratsua?

Ikasleek aurrez dakitena kontuan harturik, irakasleak ikasleen beharren eta interesen arabera prestatu eta antolatuko ditu ikaskuntza jarduerak.

3.- Nola ulertzen da eskola giroa?  

Eskola giro ikasleek duten ongizatea, afektua eta estimulu-eremuaren araberakoa da. Afektuak ikasleek jaso beharreko ezin besteko arlo bat da. Afektibitatezko harreman baten ondorioz, banakoaren ongizatea lortzen da eta honela eskola giro egoki bat eraiki daiteke.

4.- Zeintzuk dira ematen diren orientabideak eremu, denbora eta baliabide materialen antolaketaren inguruan?

Espazioa jarduera eremutan banatzeak haurrei autonomia garatzen lagunduko die. Honen ulergarritasuna bermatzeko ezinbestekoa izango da modu dinamiko eta esanguratsu batean antolaturik egotea, haurrek esperientziak biltzen joateko.

Denborari dagokionez, denbora sekuentzi bat planteatu beharko da. Baina oreka bat mantentzea ezinbestekoa izango da: taldekako jarduerak eta banakako jarduerak …

Baliabide materialei dagokienez, estimulu ugari sortzen duen giroa eraikitzea du helburu. Era berean, estereotipoak kanpoan uzten dituztenak, aniztasuna eta berdintasuna bermatuko duten material didaktikoa aukeratuko da.

5.- Nola ulertzen da H.H.ko Ikastetxea?

Bizikidetza inguru bezela ikusten da, non ikasleek esperientzia jaso eta beste pertsonekin harremanetan jartzen diren.

6.- Zein da hezkuntza agente bakoitzari ematen dion ardura Haur Hezkuntzan?

Irakasleen eginkizun bezela ikusten da, ikastetxeko beste irakasleekin batera koordinazio eta elkarlan giro bat izatea; honela kastetxeko HH proiektua aurrera eman ahal izateko.

Familien eta eskolaren arteko elkarlana funtsezkoak dira hezkuntzako balio eta heziketak haurretan finkatu daitezen.                    

Familia eta profesionalez gain, eskolak gizarteko eragileekin, harremana mantendu beharko luke hezkuntza osatzeko helburuarekin.