CURRICULUMA

Curriculumak hezkuntza bideratzeko osagai guztiak zehazten ditu: irakasgaiak, edukiak, metodologia… Curriculum mota desberdinak bereizten dira:

Curriculum formala pedagogia, soziologia, ekonomia eta legeetaz baldintzaturik dago. Pedagogiak ezartzen ditu metodologiak. Beste aldetik, soziologiak ezartzen du zer heziketa mota eman behar den gizartearen mantenua bermatzeko. Aldi berean, ekonomiak baliabideen erabilera zehatzetaz arduratzen da. Azkenik, legediak ezartzen du heziketaren iraupena; eta kasu batzuetan ere landu beharreko materia (guzti hau curriculum formalean idatzita jasotzen da). Ondorioz, curriculum formalean jasota dago hezkuntza sisteman irakatsi behar dena, nola irakatsi behar den, eta zer baliabideekin.

Curriculum ageria, ikasleak barneratu behar dituen ikaskuntzak dira. Eskola materialetan agertzen dira eta irakasleak esplizituki erakusten ditu.

Curriculum ageriak, gizarte talde guztiak ez ditu berdin kontuan hartzen, ezberdintasunak sortzen ditu. Talde “indartsuenak”, ( adibidez, Euskal Herrian mutil zuriak) presentzia gehiago daukate ikaskuntza prozesuan; eta ondorioz, neskek edo beste nazionalitateko edo arrazako ikasleek talde indartsuenari bideratutako ikaskuntza jasotzen dute; beren beharrak asetzen ez dituen eta diskriminatzen dieten ikaskuntza jasotzen dute.

Ezkutuko curriculumaren ondorioz, nahi gabe edo intentziorik gabe balio eta ideiak transmititzen dira; ingurunearen edo inguruko pertsonen ondorioz jasotzen dira. Orokorrean, curriculum ezkutuak hezkuntza sistema osoan transmititzen diren balio horiei egiten diete erreferentzia (gainera, balio horiek negatibotzat hartzen dira).

Gauza askok hartzen dute parte curriculum ezkutua zabaltzerako garaian: irakaslearen jarrerak ikasleekiko, liburuko informazioak,  ebaluaketa sistemek, irakasleak bere autoritatea ezartzeko metodoa…  Ez dira soilik hitzekin transmititzen; jarrera eta keinuekin ere transmititzen dira. Hau denak pisu handia izan dezake ikaslearen formakuntzan.

Gure iritziz, curriculuma ez litzateke berbera izan beharko ikasle guztientzat; ezinezkoa baita ikasle guztiak talde orokor batean sartzea, pertsona bakoitzaren beharrak desberdinak baitira. Hala ere denei curriculum berbera ez eman arren, helburuak berdina izan behar du: guztiek ezagutza berberak.